បាងកក៖ អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ត្រា នឹងត្រឡប់ចូលទៅក្នុងប្រទេសវិញនៅថ្ងៃអង្គារ៍ សប្ដាហ៍ក្រោយបន្ទាប់ពីរស់នៅក្រៅប្រទេសកំណើតប្រមាណ ១៧ឆ្នាំមកដោយសារយោធាធ្វើរដ្ឋប្រហារ។
កូនស្រីរបស់លោកថាក់ស៊ីនបានសរសេរនៅលើ twitter របស់លោកស្រីនៅថ្ងៃនេះថា៖ «ថ្ងៃអង្គារ ទី២២ ខែសីហា ម៉ោង៩ព្រឹក នៅដុនមឿង ដើម្បីទៅទទួលឪពុកថាក់ស៊ីន»។
គួរឲ្យដឹងផងដែរដែរថា លោក ថាក់ស៊ីន ស៉ីណាវ៉ាត្រា គឺជានាយករដ្ឋមន្ត្រីទី២៣ នៃប្រទេសថៃកាន់អំណាចពីឆ្នាំ២០០១ ដល់ឆ្នាំ២០០៦។
ការត្រឡប់ចូលទៅក្នុងប្រទេសរបស់លោកវិញនៅពេលនេះគឺស្របពេលដែលគណបក្សភឿថៃរបស់កូនស្រីលោកបានចងសម្ព័ន្ធភាពជាមួយនឹងគណបក្សរបស់ក្រុមយោធាដើម្បីបង្កើតរដ្ឋាភិបាលក្រោយការបោះឆ្នោតឆ្នាំ២០២៣ នេះ៕
